Liber Isaiae Prophetae*
Caput 63: Versus 15
Attende de coelo et vide.Dominus ubique totus et semper est, unde:Coelum et terram ego impleo[Jer. 23.]. Dicitur tamen sedem habere in coelo, secundum illud:Coelum mihi sedes[Isa. 66.], quia scilicet in coelestibus angelis et hominibus justis[quorum scilicet conversatio est in coelis]ejus voluntas praecipue fit.Ubi est zelus tuus,etc. Quasi dicat: Quia peccavimus, et nos odisse coepisti, recessit zelus tuus: quo recedente recessit fortitudo, et paternorum viscerum superatur affectus.